POS 系統｜餐廳 POS 系統及零售 POS 系統

POS（Point of Sale）系統即銷售點收銀系統，係店舖完成交易嘅核心：負責落單、計價、收款紀錄、出單、庫存管理同銷售報表。一套好嘅 POS 系統，可以令前線操作更快、出錯更少，老闆亦可以隨時掌握生意數據。

POS 系統本身負責「記錄同計數」，實際收錢就由收款設備處理，例如信用卡收款機、八達通讀寫器同電子錢包終端。兩者連接得好，收銀員輸入一次金額就完成收款，日結對數更準確。

一張枱分開幾張單埋單、轉枱、併枱，都可以喺系統處理，唔使人手計數，減少埋單時嘅混亂同爭拗。

侍應用手帳或平板喺枱邊落單，單據即時傳到廚房同水吧，唔使再寫紙單行來行去，減少落錯單同漏單。

顧客可以經手機 App 落外賣單，訂單直接入 POS 系統，堂食同外賣統一管理，報表一齊計。

處理繁忙時段輪候同訂位。如果需要圖形化排枱、Facebook 訂枱同網上落訂，可以配合訂座管理系統 Optitable。

顧客掃描枱面 QR Code 自助點餐同付款，已經越嚟越普遍。2026 年 10 月，八達通宣佈與 Pin Me 合作推出餐飲商戶「手機點餐」方案：顧客掃描 QR Code 或輕觸 NFC 貼紙即可自助點餐，並以八達通付款；餐飲商戶加入八達通商戶網絡，可以零成本獲得雲端 POS 系統、打印機、QR Code 點餐貼同營運數據分析。詳見八達通餐飲商戶優惠。

單店小店可以用單機版，起步成本較低；多分店商戶用多分店版，各分店銷售同庫存資料集中管理，總部隨時睇到每間分店嘅表現。

線上線下共用同一套貨品同庫存資料，網店賣出、實體店賣出都會即時扣存貨，避免超賣，亦唔使分開對數。

記錄入貨、銷售同存貨，低庫存可以提早補貨；配合會計功能，整理銷售同成本數據更方便。

收銀時登記會員、累積積分、兌換獎賞，提升回頭率。想做電子印花同電子優惠券，可以配合 MRM 手機會員 App。

POS 系統連接收款設備後，收銀員喺 POS 輸入金額，顧客直接拍卡或插卡，交易紀錄自動寫入 POS，唔使人手喺兩部機重複輸入金額，減少出錯，日結對數亦更準確。

八達通官方表示，八達通讀寫器兼容多款熱門 POS 系統。如果你嘅 POS 系統唔喺八達通認可系統供應商名單內，可能要先做兼容性檢查。冇 POS 系統嘅商戶，亦可以用便攜式八達通處理器 2.0 或者商用版八達通 App 獨立收款。詳見八達通收款配合 POS 系統。

支援 Visa Mastercard 收款同銀聯收款嘅信用卡機，接駁 POS 系統之後收銀更快。餐廳可以用無線信用卡機枱邊埋單；流動攤位可以用流動信用卡機。申請信用卡機之前，記得確認機款同你嘅 POS 系統兼容。詳見信用卡機種類比較。

內地旅客多嘅商戶，可以考慮一部機收齊國際卡、銀聯、微信支付同支付寶嘅 Allinpay 通聯支付；需要遙距收款或網上付款，可以了解支付平台手機 App。

香港市場上嘅 POS 系統收費模式主要有三種：月費制、年費制同按單收費。以餐飲 POS 為例，市場上公開嘅價目由每月約 HK$99 起至數百港元不等，視乎功能、設備數目同合約期。比較時唔好只睇月費，要計埋整體成本：

政府曾推出「數碼轉型支援先導計劃」（Digital Transformation Support Pilot Programme），由數碼港擔任秘書處，預留港幣 5 億元，協助本地中小企應用現成嘅基礎數碼科技方案。